Kommunestyret i Nordreisa har vedteke at vi ikkje skal delta i prosjektet Boligutvikling i Nord-Troms. Dette prosjektet er ei oppfølging av et av tre satsingsområde i Nord-Troms strategier 2014-15, som er handlingsplanen til Nord-Troms Regionråd. (Dei to andre satsingsområda i denne planen er knytta til kompetanse og entreprenørskap). Formålet med dette boligprosjektet er å møte utfordringer knytta til bustad i Nord-Troms, i følge saksframlegget:
«...alle kommunene har store utfordringer med å skaffe egnede boliger til tilflyttere, flyktninger, personer med rus/psykiatriproblemer, sosialt vanskeligstilte og eldre med omsorgsbehov. I tillegg er det sjelden boliger til salgs i kommunen og det private utleiemarkedet er begrenset».
Gerd Kristiansen frå KrF forsvarar kommunestyrevedtaket i et innlegg i Framtid i Nord med overskrifta «Fortsatt vennskap i Nord-Troms!».
Men vedtaket i Nordreisa kommunestyre er ikkje godt. Problemstillingane prosjektet skal arbeide med er relevante og aktuelle i heile Nord-Troms, også i Nordreisa. Husbanken er en sterk samarbeidspart, med pengar og kompetanse. Dei meiner prosjektet er nyskapande, og gir derfor større finansiering enn vanleg. Fylkeskommunen er også med, og totalfinansieringa er så god at kommunene berre treng å bidra med 10 % kvar frå eksisterande stillingar.
Eg trur at et prosjekt som får oppslutning frå fem nabokommuner, Troms fylkeskommune og Husbanken, kan bli nyttig for Nordreisa og. Vanlegvis er det innsatsen og samarbeidet undervegs som bestemmer nytteverdien, ikkje formuleringane i prosjektbeskrivelsen.
I tillegg kjem at dette er ei oppfølging av en strategi vi er enige om i Nord-Troms. Skal samarbeidet gjennom Nord-Troms regionråd ha tiltru og tyngde, både i regionen og utover, må vi stå i lag når vi skal følge opp det vi er blitt enige om. Nordreisa kommune er regionsenter, og det gir oss handel og arbeidsplassar, men plikter også. Et vennskap der en legg til grunn at en kan komme og gå som en vil, skapar verken samfunnsutvikling eller tillit.